சூது கவ்வும், ஜிகிர்தண்டா படங்களுக்கு முன்பே இவரை தன் படத்தில் நடிக்க வைத்தார் ஒருவர். அதுவும் ஹீரோவாக! மெல்ல மெல்லதான் படம் வளர்ந்தது. இவர் அந்த படத்தின் ஷுட்டிங்கை முடிக்கவும், பாபி சிம்ஹா தமிழ்சினிமாவில் முக்கிய இடத்தை பிடிக்கவும் நேரம் சரியாக இருந்தது. வழக்கம் போல படத்தின் எடிட்டிங் பணிகளை முடித்துவிட்டு சிம்ஹாவை டப்பிங் பேச அழைத்தாராம் அவர்.
‘ம்ஹும்… இப்போ என்னோட ரேஞ்ச் வேற. இருபத்தைந்து லட்சம் கொடுத்தா டப்பிங் பேசுறேன். இல்லேன்னா இல்ல’ என்று கூறிவிட்டாராம் அவர். எவ்வளவோ கெஞ்சிக் கூத்தாடியும் அவர் மசிவதாக இல்லை. இவர்களுக்கும் வேறு வழியில்லை. நடிகர் சங்க தலைவரிடம் பிரச்சனையை கொண்டு செல்ல, ‘யோவ்… முதல் வாய்ப்பு கொடுத்தவங்கதான் தெய்வம். நீ இந்தளவுக்கு வளருவேன்னு தெரியாத காலத்திலேயே உன்னை ஹீரோவா வச்சு படம் எடுத்திருக்காங்க. அவங்களுக்கு நீ செய்யும் மரியாதை இதுதானா?’ என்றாராம்.
நாடு போற வேகத்தை பார்த்தால், நல்ல முறையில் கொட்டாவி விடுறதுக்கும் தயாரிப்பாளர்ட்ட காசு கேட்பாங்க போலிருக்கு!
Post a Comment