பாக்யராஜால் பாடலாசிரியராக அறிமுகப்படுத்தப்பட்ட பா.விஜய், பல ஹிட்டான பாடல்களை எழுதியிருக்கிறார். 2005ம் ஆண்டு வெளிவந்த 'ஆட்டோகிராப்' படத்திற்காக எழுதிய 'ஒவ்வொரு பூக்களுமே...' பாடலுக்காக தேசிய விருதையும் பெற்றார். ஏ.ஆர்.ரகுமான், யுவன்ஷங்கர் ராஜா, வித்யாசாகர், ஹாரிஸ் ஜெயராஜ், பரத்வாஜ், உள்ளிட்ட பல இசையமைப்பாளர்களின் இசையில் பாடல்களை எழுதியிருந்தாலும் இளையராஜா இசையில் இதுவரை ஒரு படத்தில் கூட அவர் பாடலை எழுதவில்லை.
அந்த ஆசை இப்போது விஜய்க்கு நிறைவேறிவிட்டது. தமிழ், தெலுங்கில் உருவாகியுள்ள 'ருத்ரமாதேவி' படத்திற்காக இளையராஜா இசையில் பாடலை எழுதியிருக்கிறார் பா.விஜய். பாடல் பதிவின் போது இளையராஜாவுடன் இருந்த புகைப்படத்தையும் அவர் வெளியிட்டிருக்கிறார். இந்தப் படத்தின் இசை வெளியீடு விரைவில் நடைபெற உள்ளது.
Post a Comment